4.167 மைல்கள் நீளமுள்ள ஓடுபாதை. ஒரு மணி நேரத்திற்கு ஒரு முறை இதைச் சுற்றி வர வேண்டும். ஒரு மணி நேரத்திற்குள் அந்தச் சுற்றை முடிக்கவில்லை என்றாலோ அடுத்த சுற்று ஆரம்பிக்கும் பொழுது ஓடத் தொடங்கவில்லை என்றாலோ போட்டியிலிருந்து வெளியேற்றப்படுவீர்கள். மற்ற ஓட்டப்பந்தயங்களைப் போல இவ்வளவு தூரம் ஓட வேண்டும் என்ற கணக்கெல்லாம் கிடையாது. இறுதியில் ஒருவர் மட்டும் எஞ்சி நிற்கும் வரை ஓடிக் கொண்டே இருக்க வேண்டியதுதான். அதனால் பந்தயம் ஒரு நாளில் முடியலாம், இரண்டு நாட்கள் தொடரலாம் அல்லது இந்த வருடம் நடந்தது போல நான்காம் நாள் வரைக் கூடச் செல்லலாம்.
