kamagra paypal


முகப்பு » கவிதை

கவிதைகள்

அழுகையின் விதிமுறைகள்

Waves_Crash_Water_Tears_teardrops_Sea_Ocean_Rocks_Crash_Force_Sky_Cloud_Blueபிறந்தவுடன்
சிசுக்கள்
அழுதே ஆகவேண்டும்.
அல்லது
அழுகையை
அவைகளிடமிருந்து
எப்படியாவது
உருவி எடுத்துவிட வேண்டும்.
மேலும்
எப்ப வேண்டுமானாலும் அழலாம்
குழந்தைகள்.
நல்லதொரு அழுகைக்குப்பின்
உறங்கவும் கூடும்
என்பதால்
குழந்தைகளுக்கு
அழுகை
எப்பவும் நல்லது.

பெண்கள் அழ
விதிமுறைகள் ஏதுமில்லை.
வீட்டில், வேலையிடத்தில்
கூட்டத்தில்
தனியறையில்
எப்பவும்
எப்படியும்
அழலாம்.

பெற்றோர்
நண்பர்
மனைவி
குழந்தைகள்
சடலம் முன்
ஒருவேளை அழலாம். தவிர
அழவே கூடாது ஆண்கள்
அதுவும் பொதுவில்.

வேலைகள்
அதிகமில்லாத நாளில்
வீட்டில் யாருமில்லாமல் இருக்கையில்
எப்பவாவது நேரம் கிடைக்கையில்
சாவகாசமாய் அழலாம்.

ஆனால்
ஏதோவொரு பொந்துக்குள்
அடைந்து கொண்டு
அழுகை
வர மறுக்கும்.
பின்னொரு பொழுதில்
எதிர்பாராமல்
நெடுநாளைய நண்பன் போல
வரவேற்பறையில் வந்து
அமர்ந்திருக்கும்.

அழாத அழுகைகள்
ஒருபோதும்
விட்டு விலகுவதில்லை
நம்மை கைவிடுவதுமில்லை.
அவை
இருட்டுவதற்காக
நம் படுக்கையறையில்
காத்திருக்கின்றன.
வெளியேறுகையில்
தலைக்குமேல்
நிரந்தரமாக கவிந்துகொண்டு
மேகத்தைப்போல தொடர்கின்றன.

ஆகவே
அழுகையை
உடனே அழுதுவிடுவது நல்லது.
அந்த பழைய நடிகரைப்போல
முகத்தை
திருப்பிக்கொள்ளலாம்
கைகளால் மறைக்கலாம்
அல்லது
அழுவது தெரியாமலிருக்க
குளியலறையில் நுழைந்து
தாழிட்டுகொள்ளலாம்.

அழுதபின்
கண்களை துடைக்க வேண்டியதில்லை
மேலும்
குளித்துக்கொண்டே அழுதால்
யாருக்கும் தெரியாது.
சில சமயம்
நமக்குமே கூட.

வேணுகோபால் தயாநிதி

fancy_poem_article_post_separator

மலைகள் வரையப்படாத குழந்தைகள் ஓவியத்தில்
உதிக்க இடம் இல்லாமல்
அலைந்து கொண்டிருந்தான் சூரியன்
வெட்டப்பட்ட மரங்களின் பின்னே
சிதைக்கப்பட்ட மலையும்
அணிவகுத்துச் சென்றுவிட்டபின்
ஓவியத்தில் மட்டும்
சிறிதுகாலம் நினைவு கூரப்பட்ட அந்த மலை
இப்போது குழந்தைகளின் கற்பனையிலிருந்தும்
கரைந்து விட்டிருந்தது
அனாதரவாய் அலைந்து கொண்டிருந்த சூரியன்
இப்போது
கட்டடங்களின் பின்னிருந்து
உதிக்கப்பழகியிருந்தான்
மலையும் மரங்களுமில்லாப் பாழ்வெளியில்
பொழிந்த பச்சைவெயிலைக் குடித்து
பசியாற ஆரம்பித்தன உயிர்கள்
திசைக்கொன்றாய் நெளிய ஆரம்பித்திருந்தன நட்சத்திரங்கள்
தீப்பிடித்திருந்த இன்னொரு மலையில்..

அமைதிச்சாரல்

fancy_poem_article_post_separator

Leave your response!

Add your comment below, or trackback from your own site. You can also subscribe to these comments via RSS.

Be nice. Keep it clean. Stay on topic. No spam.

You can use these tags:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

This is a Gravatar-enabled weblog. To get your own globally-recognized-avatar, please register at Gravatar.

CAPTCHA * Time limit is exhausted. Please reload CAPTCHA.