முகப்பு » தொகுப்பு

புகைப்படத்தொகுப்பு பகுதியில் பிற ஆக்கங்கள்

சித்திரங்கள், பயணக்கட்டுரை, புகைப்படத்தொகுப்பு »

அந்தப் பக்கம் கனடாவின் எட்மண்டன் நகரத்தில் துவங்கி இந்தப் பக்கம் அமெரிக்காவின் மில்வாக்கி நகரம் வரை ஊர் ஊராகச் சென்று ஒளிப்படம் எடுப்பது பாரி க்ஃபெல்லர் (Barry Gfeller) என்பவரின் பொழுதுபோக்கு. அவர் மறைவிற்குப் பிறகு அவரின் ஐம்பதாயிரத்திற்கும் மேற்பட்ட நகர நிழற்படங்கள் கிடைத்திருக்கின்றன. சிலவற்றை இங்கே பார்க்கலாம்.

பயணம், புகைப்படத்தொகுப்பு, வானியல் »

1986-ல் comet என்னும் இந்த நட்சத்திரம் பூமிக்கு அருகில் வந்தது. அடுத்து 2061ல் எதிர்பார்க்கலாம். ஆனால், வருடத்திற்கு ஓரிரு முறை அதைப் பார்க்கலாம். அவ்வாறு மே மாதத்தில் தெரிந்ததை இடா அக்வாரிட் விண்கல் பொழிவு (Eta Aquarid meteor shower) என அழைக்கிறார்கள். அதன் படங்களை இங்கே பார்க்கலாம்.
ஹாலி வால் நட்சத்திரத்தைக் குறித்து பாரதியார் ‘சாதாரண வருஷத்துத் தூமகேது’ என்ற தலைப்பில் கவிதை எழுதியிருக்கிறார்:
சாதாரண வருஷத்துத் தூமகேது
தினையின் மீது பனை நின்றாங்கு
மணிச்சிறு மீன்மிசை வளர்வால் ஒளிதரக்
கீழ்த்திசை வெள்ளியைக் கேண்மை கொண்டிலகும்
தூம கேதுச் சுடரே, வாராய்.
எண்ணில்பல் கோடி யோசனை யெல்லை
எண்ணிலா மென்மை இயன்றதோர் வாயுவால்
புனைந்தநின்னொடுவால் போவதென் கின்றார்.
மண்ணகத் தினையும் வால்கொடு தீண்டி
ஏழையர்க் கேதும் இடர்செயா தேநீ
போதி யென்கின்றார்; புதுமைகள் ஆயிரம்
நினைக்குறித் தறிஞர் நிகழ்த்துகின் றனரால்.
பாரத நாட்டில் பரவிய எம்மனோர்
நூற்கணம் மறந்துபன் னூறாண் டாயின;
உனதியல் அன்னியர் உரைத்திடக் கேட்டே
தெரிந்தனம்; எம்முளே …

அதிபுனைவு, புகைப்படத்தொகுப்பு, ரசனை »

அதிபுனை கதைகள் என்றால் கொஞ்சம் அறிவியலும் நிறைய கற்பனையும் வேண்டும். அதிபுனை புகைப்படங்கள் எப்படி இருக்க வேண்டும்? கொஞ்சம் கற்பனையும் நிறைய வருங்காலமும் கொண்டிருக்க வேண்டும் எனலாமா? போட்டியில் கலந்துகொண்ட ஒருவரின் படம் இங்கே. மற்ற ஆக்கங்களை இங்கே பார்க்கலாம்.

ஓவியம், கலை, புகைப்படத்தொகுப்பு »

சோவியத் ரஷியாவில் பல்வேறு பொது இடங்களில் பெரிய ஓவியங்களையும் சித்திரவடிவுகளையும் சோசலிஸப் பிரச்சாரத்திற்காக நிறுவினார்கள். ரஷியா சிதறுண்ட பின் அந்த கல்லோவியங்கள் இன்னும் எஞ்சி நிற்கின்றன. அவ்வாறு உக்ரெய்ன் நாட்டில் பொது இடங்களில் அமைந்திருக்கும் சிற்பங்களையும் பிரும்மாண்ட கலைப்படைப்புகளையும் தேடி யூஜென் நிகிஃபொரவ் கிளம்புகிறார்.
இன்னும் பல அரசு அலுவலகங்களின் முகப்பில், வரவேற்பரையில் லெனின் எழுபதடி கட் அவுட் போல் நிற்கிறார். அமெரிக்காவில் நிறவெறிக்கு ஆதரவாக போரிட்டோரின் நினைவுச் சின்னங்களை அகற்றுவது போல் கம்யூனிஸத்தின் எச்சங்களையும் நீக்க வேண்டும் என யுக்ரெயின் அரசு ஆணை பிறப்பித்து இருக்கிறது. அதற்கு முன் ஊர் ஊராகச் சென்று ஒளிப்படமாக்கி புத்தகமாக வெளியிட்டு இருக்கிறார்.
கீழே டொனட்ஸ்க் நகரப் பள்ளிக் கூடத்தில் “பிரமதீயஸ்கள்” என்னும் கலைவேலைப்பாடு:

சமூகம், நிகழ்ச்சிக்குறிப்பு, புகைப்படத்தொகுப்பு »

இது வரை பிரபுக்களின் படங்களையும் ராணிகளின் ஓவியங்களையும்தான் அருங்காட்சியக கலைக்கூடங்களில் பார்த்திருப்போம். இப்போது “அவர்கள் முகத்தின் வியர்வை” (“The Sweat of Their Face”) என்னும் கண்காட்சியை ஸ்மித்ஸோனியன் (Smithsonian’s National Portrait Gallery) அமைத்திருக்கிறது. குழந்தைத் தொழிலாளிகள், அடிமை சிப்பந்திகள், ரயில் வேலையாட்கள், எஃகு தொழிலாளிகள் என அந்தக் காலத்தின் ஒவ்வொரு அரிய ஓவியத்தையும் தொகுத்து இருக்கிறார்கள். சிலவற்றை இங்கு பார்க்கலாம்:

சமூக வரலாறு, சமூகம், புகைப்படத்தொகுப்பு »

சென்ற மாதத்தில் மட்டும் 2,371 பேர் கொலை செய்யப்பட்டிருக்கக் கூடும் என்று மெக்சிகோ கருதுகிறது. போதை மருந்து கடத்தல், மாஃபியா ஆள் கடத்தல், அரசியல் அதிகார ஊழல் என்று இந்த வருடத்தில் இருபதாயிரத்திற்கும் மேலான கொலை சம்பந்தமான புகார்களின் மேல் புலன் விசாரணையை நடத்தி வருகிறது மெக்ஸிகோ.
செய்தி: October Was Mexico’s Deadliest Month On Record | HuffPost

அனுபவம், புகைப்படத்தொகுப்பு, ரசனை »

புகைப்பட வித்தகர் டோனி கடந்த பதினைந்து ஆண்டுகளுக்கு மேலாக இந்தியாவை படம் பிடித்திருக்கிறார். அதில் கிடைத்த அனுபவங்களையும் படங்களையும் இங்கே பதிவு செய்கிறார்.

பயணம், புகைப்படத்தொகுப்பு, ரசனை »

நேஷனல் ஜியாகிரபிக் பத்திரிகை வருடந்தோறும் தங்கள் வாசகர்களுக்கான புகைப்படப் போட்டியை நடத்துகிறது. 2017க்கான படங்களை இங்கே பார்க்கலாம். கீழே கனடாவின் நுனாவுட் (Nunavut) பகுதியில் பனிக்கரடி:

ஆளுமை, நிகழ்ச்சிக்குறிப்பு, புகைப்படத்தொகுப்பு »

ஃபிரெஞ்சு புகைப்படக்காரர் ஹென்ரி கார்ட்யெ பிரசன் (Cartier-Bresson) இந்தியாவில் பல்லாணடுகள் செலவழித்திருக்கிறார். இவர் நம் மகாத்மா காந்தியை படங்களாகப் பதிவு செய்தவை உலகப் புகழ்பெற்றவை. காந்தியைத் தவிர ரமண மகரிஷியின் ஆசிரமம், கதகளி குருகுலத்தின் நடனப்பயிற்சி, காஷ்மீரத்தின் இயற்கை, அகமதாபாத் நகரத்தின் சந்து பொந்துகள் எல்லாம் உண்டு. அவற்றை நியு யார்க் நகரத்தில் கண்காட்சியாக வைத்திருக்கிறார்கள்.

சூழலியல், சூழல் நசிவு அபாயங்கள், புகைப்படத்தொகுப்பு »

அமெரிக்காவில் உள்ள ஃப்ளோரிடா மாநிலம் கடற்கரை ஓரமாக அமைந்திருக்கிறது. அங்கிருக்கும் மியாமி நகரை நீர் கபளீகரம் செய்யுமா என்பதை நேஷனல் ஜியாகிரபிக் இங்கே படம் பிடிக்கிறது.
எவர்கிளேட்ஸ் சதுப்பு நிலத்தின் உபரி நீரை பொங்கி வழியாமல் பாதுகாக்க 3,400 கிலோமீட்டருக்கு கால்வாய் வெட்டியிருக்கிறார்கள். இருந்தாலும் அட்லாண்டிக் சமுத்திரத்தின் உப்புநீர், மியாமி நதிக்குள் புகுந்து கடல் நீராக்கிவிடுகிறது. இதனால், மியாமி எங்கும் வாய்க்கால் வெட்டி அட்லாண்டிக் பெருங்கடலுக்குள் செலுத்துகிறார்கள். இன்னும் இரண்டடி கடல் உயர்ந்தால் போதும். பெருமழையின் போது இவர்களின் நன்னீர் ஆதாரம் மறைந்துவிடும் என்பதை புகைப்படங்களின் மூலமாக இங்கு அறியலாம்.

உலக சினிமா, நகைச்சுவை, புகைப்படத்தொகுப்பு »

தி கார்டியன் கொடுக்கும் இந்தப் படத் தொகுப்பில் இரானிய வாழ்க்கை இன்று எப்படி இருக்கிறது என்று நிகழ்த்தல் காட்சிகள் மூலம் ஒரு கலைஞர் சித்திரித்திருப்பதைத் தொகுத்திருக்கிறார்கள். அவர் மிக நுண்மையான கேலியாகப் பல காட்சிகளை அமைத்து அவற்றைப் படமாக எடுத்தவை ஒரு தொகுப்பாகக் கிட்டுகின்றன. அந்தத் தொகுப்பில் சிலவற்றைக் கார்டியன் செய்தித்தாள் பிரசுரித்தது. இவற்றில் ஒரு படம் கீழே. மீதியை லிங்கைச் சுண்டி கார்டியன் தளத்துக்குப் போய்ப் பார்க்கலாம். இவற்றில்   கடற்கரையில் சுடுதண்ணீரில் குளிக்கும் கேலி நகைச்சுவையும் உண்டு; இராக் போரினால் இறந்தோர் நினைவாக பாலைநிலங்களைக் கடக்கும் நடைபாதை புகைப்படங்களும் உண்டு:

புகைப்படக் கட்டுரை, புகைப்படத்தொகுப்பு »

மாஸ்கோவில் இருந்து 8,500 கி.மீ. (5,200 மைல்கள்) கிழக்கே மிர்னி நகரம் இருக்கிறது. இங்கே உள்ள வைரச் சுரங்கத்தை 1956ல் ருஷியா கண்டுபிடித்தது. சோவியத் யூனியன் காலத்தில் இங்கே வெளியூர் ஆட்கள் யாரும் உள்ளே வர முடியாது. மிர்னிக்குள் ரஷியர்கள் நுழைவதற்கே சிறப்பு விசா வாங்க வேண்டும். 2001ல் இந்தச் சுரங்கம் கிட்டத்தட்ட மூடப்பட்டது. இன்னும் கொஞ்சம் வைரம் உள்ளே ஒளிந்து கொண்டிருக்கிறது. அதையும் சுரண்டப் போகிறார்கள். கடுமையான குளிர், நிலையற்ற எதிர்காலம், சிரமமான சூழியல் நிலையில் தனிமையில் வாழும் மக்கள் – கார்லோஸ் ஸொயிரோ புகைப்படம் பிடித்திருக்கிறார். (அடிக்கோடிட்ட பெயரில் லிங்க் உள்ளது).

அனுபவம், புகைப்படத்தொகுப்பு, மோட்டார் பயணம் »

தீபக் சௌஹான் மும்பையைச் சேர்ந்தவர். இந்தியா முழுக்க தன் புல்லட் பைக்கை எடுத்துக் கொண்டு 46,000 கிலோமீட்டர் சுற்றி வந்திருக்கிறார். நீல மலை நிலமான மிஜோரம் முதல் விசாகப்பட்டின வயல் வரை எல்லாமும் படம் பிடித்திருக்கிறார். கீழே கைவினைக் குடை தாங்கிய ஆடு மேய்ப்பவரை ஓரிஸாவின் பிரம்பூர் பகுதியில் க்ளிக்கியிருக்கிறார்.

கலை, புகைப்படத்தொகுப்பு »

அமெரிக்காவின் பல்வேறு நூலகங்களை தாமஸ் ஆர் ஷிஃப் (Thomas R Schiff) என்பவர் படம் பிடிக்கிறார். இது அகல் பரப்புத் தொடர் காட்சியாக விரிகிறது. அந்தக் கால நிறுவனங்கள் முதல் தற்கால கட்டிடங்கள் வரை நம் கண் முன்னே தி கார்டியன் நாளிதழில் பரந்ததோற்றம் காண்கிறது.

சூழலியல், புகைப்படத்தொகுப்பு »

மரங்களில் இருந்து என்ன கற்றுக் கொள்ளலாம் என்று நேஷனல் ஜியாகிரபிக் இங்கே புகைப்படக் கட்டுரையொன்றை வெளியிட்டு இருக்கிறது. மிகப் பழமையான மரம், நம் நினைவில் நீங்கா இடம் பிடித்த மரம், சாமியான மரம், விளையாட்டு ஸ்டம்ப் ஆன மரம் என பலவிதங்களை இங்கே பார்க்கலாம்.