- கொரொனா காலத்தில் ஹைக்கூ
- “அலர்தலும் உதிர்தலும்” – ஹைக்கூ கவிதைகள்
- “தோன்றி மறையும் மழை” – ஹைக்கூ கவிதைகள்
- கடிகாரச் சுவர் – அந்தரத்தில் கணங்கள்
- “முடிவிலா பயணம்” – ஹைக்கூ கவிதைகள்
1
குவி அதர
முகிழ்சொல் மோனத்திலே
மலருமுன் மொட்டு.
2
படர் கருமை
சாம்பல் பூத்தகுடை – மழை
உலவு வான்.
3
மலரிடை பூத்த
சிலந்தி வலை – சிக்கியது
சூரிய பொன்னிழை.
4
முதலொளியில்
அலர்ந்த வண்ணம் – தலைகீழாக
விழுந்த மலர்.
5
வண்டு மறைக்கும்
சிறுபூக்களின் பின் – உதிர
சிலிர்க்கும் காடு.
6
மீண்டும் இக்கணம்
கடக்கும் காற்றில் – சருகாய்
கலையும் மரம்.
7
ஒற்றைக் காம்பில்
தவமிருக்கும் இலை – தரை
நோக்கிய தழல்.
