kamagra paypal


முகப்பு » கவிதை

நடைப்பயிற்சிக் குறிப்புகள்

walking

walking

குறிப்பு 1

இன்றைய
நடைப்பயிற்சியில்
இசை கேட்டபடி
ஒருவன்
இணையோடு
இடைவிடாமல்
பேசியபடி ஒருவன்
தண்ணீர் பாட்டிலோடு
வேக வேகமாய் ஒரு
வெள்ளைக்காரன்
எல்லோரோடும்
ஆனந்தக் கூத்தாடியாய்
அவனாகவே பாடியபடி
அதி வேகத்தில்
போய்க்கொண்டிருந்தான்
ஒருவனும்.

o

walking

குறிப்பு 2

இன்றுவரை ஏதும்
பேசியதில்லை.
இதழ்விரித்து மெலிதாய்
நகைத்ததுமில்லை.
இயல்பிலேயே
இப்படித்தானா? – இல்லை
இயல்பில்லா ஒன்றைச்
செய்வதன் பொருட்டா?
எப்படிக் கேட்க என்
சக நடைப்பயணியிடம்?
நடைப்பயிற்சியில் ஏன்
கொடூரமாய் முகம் .

o

walking

குறிப்பு 3

யார் யாரோ அழைத்தது
இரண்டொரு முறை.
நானே எடுத்துப் பார்த்தது
நான்கைந்து முறை.
பாக்கெட்டில் இருக்கிறதா என்று
பிடித்துப் பார்த்தது பல முறை.
பக்கத்தில் ஒலித்த சத்தத்தில்
பிழையாய் எடுத்தது சிலமுறை.
நாளை நடைப் பயிற்சிக்காவது
வர வேண்டும் – இந்த
நச்சுப் பிடித்த கைபேசியின்றி.

o

walking

குறிப்பு 4

அரை இருட்டான
பகுதியில்
அமர்ந்திருந்த
இருவரின் நெருக்கத்தை
சுமந்தபடி
போய்க்கொண்டிருந்த
நடைப் பயிற்சியின்
அடுத்த சுற்று
முடிந்து திரும்புவதற்குள்
முத்தமிட்டும்
முடித்திருக்கலாம்
அவர்கள்.

0

walking

குறிப்பு 5

சக
நடைப்பயணியின்
தொலைந்த
சாவியொன்றைக்
கண்டெடுத்த
சந்தோஷத்தோடு
நிறைவுற்றது
இன்றைய
நடைப்பயிற்சி.

Comments are closed.