kamagra paypal


முகப்பு » மறுவினை

வாசகர் எதிர்வினை

அன்புள்ள சொல்வனம் ஆசிரியர் குழுவினருக்கு,

stamp_archaeology_21july1999-11கிறிஸ்தவ மிஷநரி வரலாற்று “ஆய்வுகள்” இந்திய சமூகத்தில் விளைவித்திருக்கும் தாழ்வுணர்ச்சியும், குழப்பங்களும், அதனால் விளையும் சமூக மோதல்களும் பரந்து பட்டவை. இந்நிலையில் நடுநிலையுடன், உண்மையை உரத்துச் சொல்பவர்கள் முத்திரை குத்தப் படுகிறார்களே அன்றி எதிர்கொள்ளப் படுவதில்லை. இச்சூழலில், தோள்சீலைக் கலகம் பற்றிய விரிவான ஆய்வுகளை வெளிக் கொணர்ந்திருக்கும் sishri ஆய்வாளர்கள் பாராட்டுக்குரியவர்கள். நூலின் முன்னுரையே காத்திரமாக, அருமையாக இருந்தது. இது போன்று தமிழக சமூக வரலாற்றின் மற்ற முக்கிய நிகழ்வுகளையும் பற்றி ஆய்வுகள் நடத்திட வேண்டும். இத்தகைய அமைப்புகளுக்கு அரசு உதவ வேண்டியது கடமை – ஆனால தமிழக அரசு சார்ந்த கல்வி அமைப்புகளே கிறிஸ்தவ மத அதிகார சக்திகளின் கைப்பிடியில் சிக்கி மலினப் பட்டுப் போயிருக்கின்றன என்பது தான் சோகம்.

ஜுகல்பந்தி என்ற கட்டுரை கர்நாடக, ஹிந்துஸ்தானி இசை வடிவங்கள் இணையும், விலகும் புள்ளிகளையும், நடைமுறைச் சிக்கல்களையும் மிக சுவாரஸ்யமாகத் தொட்டுச் சென்றது. இது பற்றி எழுதுவது சாதாரண விஷயம் அல்ல, இரண்டு வடிவங்களையும் பற்றிய விவரமான, ஆழமான புரிதல் கொண்டவர்களே கூடத் திணறும் விஷயம். ஸ்ரீ நன்றாக ஆரம்பித்திருக்கிறார். ஜுகல்பந்தி என்ற சேர்ந்திசை பற்றி விளக்குவதோடு, இரு சங்கீத மரபுகள் வளர்ந்த வரலாறு பற்றியும் அவர் எழுதவேண்டும் என்று கேட்டுக் கொள்கிறேன். குறிப்பாக கர்நாடக, ஹிந்துஸ்தானி இசை வடிவங்களின் அடிப்படையில் உள்ள பொதுமைத் தன்மைகள் பற்றி. குறிப்பாக, ஹிந்துஸ்தானி இசையில் பாரசீக, மத்தியக் கிழக்கு, அராபிய இசையின் தாக்கம் எவ்வளவு, அது அதன் இயல்பையே மாற்றும் அளவுக்கு உள்ளதா, அல்லது அதன் தாக்கம் peripheral மட்டும் தானா? இது பற்றியும் அவர் எழுதவேண்டும்.

அன்புடன்,

ஜடாயு

அன்புள்ள ஆசிரியருக்கு,

இந்த வார இதழ் மொத்தத்தில் அருமை எனச் சொல்லலாம்.

chinese_stampதாய் சீஜியின் வாழ்க்கையை அருமையாக எழுதியமைக்கு ஒரு வாழ்த்து. இந்தப் பெயரை இப்போதுதான் கேள்விப்படுகிறேன். ஆனால் சீனாவில் வாழ்க்கை எவ்வளவு மோசமாய் இருக்கிறது எனபதையும், எந்த ஒரு கலைஞனுக்கும், எழுத்தாளனுக்கும் கிடைக்கும் அவமரியாதையைப் பற்றியும், படித்தல் என்ற விஷயமும், புஸ்தகமும் என்ற விஷயமும் எவ்வளவு தூரம் தேசத்துரோகமாக சித்தரிக்கப் படுகிறது என்பதையும் தெரிந்துகொள்ள முடிந்தது. சீனாவின் மீது கோபம் இல்லை என தாய் சீஜி சொல்லி இருக்கிறார். வேறு என்ன செய்வது?? சீனாவின் பக்கத்து நாடான இந்தியாவில் ஜனநாயகம் என்ற உயரிய விஷயம் நடக்கிறது என்பதே தெரியாமல் அல்லது ஜனநாயகம் என்றால் என்னவென்றே அறியாமல் ஒரு இனமே வாழ்கிறது என்பது எவ்வளவு கொடுமை?? எங்கோ படித்தது.. ஒவ்வொரு சீனனும் அடுத்த பிறவியில் இந்தியாவில் பிறக்க வேண்டுமென விரும்புவதாக.. இருக்கும்…

—————————–

தோள் சீலைக் கலகம்: தெரிந்த பொய்கள், தெரியாத உண்மைகள்

இவ்வளவு உண்மைகளையும் முழுச்சோற்றுப் பூசணிக்காயாய் மறைக்க முடிந்தது எப்படி?? வரலாறு என்ற விஷயத்தை அன்றைய தேதியில் அவர்கள் (கிறித்தவர்கள்) எழுதினர்கள். எனவே அவர்கள் சொல்லும் பொய்கள்தான் வரலாறு என்றானது. ஆனால் உண்மை ஒருநாள் வெளிவரும் என்பதை இதுபோன்ற புத்தகங்கள் நடைமுறையில் நிரூபிக்கின்றன. எழுத்தாளர் ஜெயமோகனும் இதே கருத்தை வலியுறுத்தி அவரது வலைப்பதிவில் எழுதியிருந்தார். இதைப்போன்ற புத்தகங்கள் எல்லோருக்கும் எளிதில் கிடைத்திட வழிசெய்தல் வேண்டும். தவறாகத் தெரிந்துகொண்ட நமது சரித்திரத்தை சரியாக மீள் வாசிப்புச் செய்யவேண்டும்.

—————————–

வழக்கம்போல ராமன்ராஜாவின் அறிவியல் கட்டுரை நகைச்சுவையுடன் கலந்து அருமை. எல்லோரும் சிரஞ்சீவியாய் வாழ்ந்தால் உலகம் என்னாவது?? இருப்பினும் எல்லோரும் வாழவே விரும்புகிறோம்.. அதுவும் எப்போதும் இளமையாய்.. கைகூடும் என்றுதான் தோன்றுகிறது, ராமன்ராஜா அவர்கள் சொல்வதுபோல சமையலறையில் பல பதார்த்தங்கள் ஆராய்ச்ச்சியில் இருப்பதால்…கடைசி கருத்துப்படம் அருமை.. ( நானே இதை 150 வருஷமாய் விற்கிறேன்)

—————————–

ஜுகல்பந்தி குறித்தான முதல் கட்டுரையில் அதன் ஆரம்பம் குறித்தான தகவல்கள் புதியன. ஜுகல்பந்தியும் கர்நாடக சங்கீதம்போல எப்போதும் இருந்து வரும் விஷயம் என நினைத்தேன். ஆனால் அதன் வயது நாற்பதுக்கு முன்னப்பின்ன என்றறிந்து ஆச்சரியம் அடைந்தேன். நான் பார்த்த நல்ல ஜுகல்பந்திகள் தூர்தர்ஷனில் ஒரு இசையமைப்பாளருடன் இணைந்து மேற்கத்திய சங்கீதமும், கர்நாடக இசையையும் இனைத்து பாலமுரளிகிருஷ்ணா அவர்கள் கொடுத்தது. அதன் பின்னர் அவ்வப்போது கானக்கிடைத்த டிரம்ஸ் சிவமணி இதர இசைக்கலைஞர்களுடன் இனைந்து கொடுத்த ஜுகல்பந்திகள். (அவையெல்லாம் ஜுகல்பந்தியில் சேருமா எனத் தெரியாது).. அடுத்தடுத்த பகுதிகளுக்குக் காத்திருக்கிறேன்.

—————————–

டென்மார்க் போன்ற நாடுகளில் இந்தியா வாடகைக்கு வாங்கி குடியமர்த்த வேண்டியது இல்லை. அங்க எல்லாம் நம்ம இடம்தான்னு சொன்னால் பொதும். மக்கள் பார்த்துக்கொள்வார்கள்.

—————————–

அம்மையும் அடுத்த ப்ளாட் குழந்தைகளும்

இயல்பாய் இருந்தது கதை.. பிளாட் வாசிகளில் இதுபோன்ற கொடுப்பினை சிலருக்குத்தான் அமைவதுண்டு.. அதிலும் அம்மையைப்போன்ற பாட்டிகள் இருக்கும் வீடுகளில் அமையலாம்..இயல்பு வாழ்க்கையைச் சொல்லும் கதைகளில் உயிர் இருக்கும்.. இக்கதையும் அவ்வாறே.

—————————–

பப்லுவின் கருத்துப்படம் அருமை.. அதிலும் நமது சிறுவர்கள் யோசிக்கும் விதமும் அதைச் சொல்ல எடுத்துக்கொண்ட உத்தியும் நன்று.

ஜெயக்குமார்.

Dear editor,

vanakkam. Thol seelai kalagam by S.Ramachandran and A.Ganesan was a delightfull reading -one of the best articles i read in recent times.  Eugene F. Irschick  has written about the clashes between the pallars and kallars in southern tamilnadu. This work needs to be put under the scanner for authenticity. Will someone do it ?

With regards

yours

subbu

அன்புள்ள சொல்வனம் ஆசிரியருக்கு,

நவீன ஓவியங்களில் பழைய குறியீடுகள் படித்தேன், அருமையான கட்டுரை.

picassos_mother_and_childஎன் நண்பன் ஒருவன் சென்னை ஓவியக்கல்லூரியில் படித்தான். அது முடித்தப்பின் சோழமண்டலம் எனப்படும் மகாபலிபுரத்தில் உள்ள பயிற்சிக்கூடத்தில் சேர்ந்து கோணல்மாணலாக சிற்ப்பங்கள்(நாங்கள் அப்படித்தான் குறிப்பிடுவோம்) மற்றும் நவீன ஓவியம் வரைவது என்று பயிற்சி பெற்றான். அவன் எப்போதும் ஒன்று குறிப்பிடுவான் நவீன ஓவியம் பர்ர்த்து இதற்கு என்ன அர்த்தம் என்று சித்திரக்காரரிடம் கேட்கக் கூடாது என்று(ஏன் என்று காரணம் தெரியவில்லை).

எனக்கு என்றுமே நவீன ஓவியங்கள் புரிவதில்லை. நவீன ஓவியங்கள் புரியவில்லை என்றாலும் ரசிக்கலாம், பெர் கிர்கெபியின் ஓவியங்கள் நிஜமாகவே சிறகடிப்பை ஏற்படுத்தியது ஒரு நல்ல புதுக் கவிதையை வாசித்தது போல். ஒரு முறை பிகாசோ கட்டம் கட்டமாக நவீன ஓவியம் வரைந்திருந்தாராம், அதை பார்க்க வந்த நண்பர் ஒருவர் அதில் கட்டடங்கள், சிங்கம், பறவை, மனிதமுகம் மற்றும் ஏதேதோ தெரிவதாக சொன்னாராம். அதற்க்கு பிக்காசோ சொன்னது “அதெல்லாமா தெரியுது இதுல?!”. இதை போன்ற கட்டுரைகளை வெளியிட்டு, சித்திரம் என்றால் என்ன விலை என்று கேட்கும் என்னை போன்றவர்களுக்கு கொஞ்சம் வெளிச்சம் காட்டுங்கள். நன்றி

அன்புடன்

பாலாஜி நை.ஜா .

Comments are closed.